Ka nisur sot edicioni i 54-të Mitingut të Poezisë, njërës prej ngjarjeve më të mëdha letrare jo vetëm të Gjakovës por edhe më gjerë.
Në ceremoninë e hapjes së këtij edicioni, ka marrë pjesë edhe kryetari i komunës së Gjakovës Ardian Gjini, i cili e ka çmuar lartë emrin e Mitingut si njërin prej organizimeve emblemë të Gjakovës.
Kryetari Gjini gjithashtu ka premtuar se komuna do të vazhdojë ta mbështesë organizimin e mitingut, ndërsa ka shtuar se do të bëhet të gjitha përpjekjes që vitin e ardhshëm, edicioni i 55-të i Mitingut të mbahet në muajin maj, muaj kur tradicionalisht edhe është organizuar ky aktivitet.
Ndryshe, Mitingu i Poezisë do të zgjatë për tri ditë me radhë, me ç ‘rast edhe do të ketë plot aktivitete letrare të karaktereve të ndryshme.
