Trashëgimia kulturore e Gjakovës është e pasur, veçse nevoja për t’i revitalizuar këto mbetet akoma e madhe. Ndonëse me planifikim buxhetor, komuna e Gjakovës gjegjësisht drejtoria për Zhvillim Ekonomik ka planifikuar ndarjen e mjeteve në vlerë 75,000.00€ për revitalizimin e dy urave, të Terezive dhe urës së Tabakëve, ky projekt ka gjetur mbështetjen për bashkëfinancim edhe nga Bashkimi Evropian dhe UNDP.
Në ceremoninë e fillimit të punimeve morrën pjesë kryetari i Komunës, Ardian Gjini me bashkëpuntorë, zëvendës Ministrja për Kulturë, Rini dhe Sport, Burbuqe Bakija Deva, Dario Di Benedetto që është koordinator i ekipit nga sektori i zhvillimit social në zyrën e Bashkimit Evropian në Kosovë dhe Marta Gazideda, zëvendës koordinatore e programit. Të gjithë u shprehën të lumtur që po investojnë në sektorin e trashëgimisë kulturore dhe njëherit në zhvillimin ekonomik përmes saj.
