Kryetari Ardian Gjini vizitoi Rogovën, aty ku filluan punimet për ndërtimin e terrenit sportiv – një hapësirë moderne rekreative që synon të ofrojë kushte cilësore për aktivitet fizik dhe argëtim për komunitetin lokal.
Projekti, me vlerë investimi 49,971.00 €, parasheh krijimin e një hapësire sportive të pajisur me ndriçim modern, oborr të gjelbëruar, rrethoja mbrojtëse, trotuare si dhe një shteg të dedikuar për ecje. Kjo infrastrukturë do të shërbejë si vend i rëndësishëm për rekreacion dhe zhvillim fizik për të gjitha grupmoshat.
Me këtë investim, synohet që brezat e ardhshëm të rriten në një mjedis të shëndetshëm, aktiv dhe të sigurt, duke kontribuar në përmirësimin e cilësisë së jetesës në komunitet.
