Ne Galerinë e Arteve në Gjakovë u bë hapja e ekspozitës “Arti që të lë pa fjalë”, ku u promovua puna, talenti dhe përkushtimi i grave të Shoqatës së të Verbërve Gjakovë.
Ekspozita dëshmon se arti nuk njeh kufij dhe se kreativiteti i këtyre grave tejkalon çdo pengesë. Përmes veprave të ekspozuara, publiku mund të vlerësojë talentin dhe imagjinatën e anëtareve të shoqatës, duke theksuar rëndësinë e përfshirjes së personave me aftësi të kufizuara në jetën kulturore dhe artistike të qytetit.
