Ka nisur sot në Gjakovë Kampionati Ballkanik i Volejbollit për femra, aktivitet ky që për herë të parë po organizohet në Kosovë.
Krahas përfaqësueses së Kosovës si nikoqir, në këtë aktivitet po marrin pjesë edhe 5 shtete tjera, Shqipëria, Turqia, Mali zi, Maqedonia dhe Bosnje e Hercegovina.
Ky turne do të zgjasë 5 ditë, ndërsa të gjitha ekipet do të zhvillojnë ndeshje kundër njëra – tjetrës.
Kampionati Ballkanik i Volejbollit është organizuar nga Federata kosovare e Volejbollit dhe Klubi i Volejbollit “Vëllaznimi”, ndërsa është mbështetur fuqishëm edhe nga komuna e Gjakovës, konkretisht drejtoria komunale për Kulturë, Rini dhe Sport.
Në hapje të këtij evenimenti të madh sportiv, ka marrë pjesë edhe drejtoresha e drejtorisë për Kulturë, Rini dhe Sport, Saranda Hyseni, e cila me këtë rast ka thënë se organizimi i këtij aktiviteti sportiv në Gjakovë është një e arritur e madhe për komunën tonë dhe një festë sportive, që vetëm Gjakova di ta organizojë.
