Në Gjakovë iu dha lamtumira e fundit Myrteza Dylhasit, mbetjet mortore të të cilit u gjetën pas shumë vitesh kërkimesh dhe pritjeje nga familja e tij.
Myrteza Dylhasi ishte rrëmbyer gjatë luftës së fundit në Kosovë dhe, pas më shumë se dy dekadash, u kthye për të pushuar në vendlindjen e tij, pranë familjes dhe qytetit të tij.
Homazhe në nderim të tij bëri edhe kryetari i Komunës së Gjakovës, Ardian Gjini, së bashku me bashkëpunëtorë, të cilët shprehën respekt dhe solidaritet me familjen Dylhasi në këtë moment të rëndë.
Ceremonia e varrimit u zhvillua në prani të familjarëve, qytetarëve dhe përfaqësuesve institucionalë, të cilët nderuan kujtimin e tij dhe shprehën respekt për sakrificën dhe vuajtjen e familjes.
