Në një ditë të bukur artistike, në ditën botërore të poezisë, Gjakova e ka kujtuar e nderuar njëren prej penave më emblematike shqiptare, poetin Ali Podrimja.
Në tri aktivitete të ndryshme, me pjesëmarrje të disa niveleve e kategorive kulturore, kjo ishte një ditë e dedikimit për poetin e mrekullueshëm e të dashur ndërkombëtarisht.
Miqtë e bashkëpunëtorët evokuan kujtime nga jeta dhe vepra e poetit, poetët e “Gjon Nikollë Kazazit” prezentuan poezi kushtuar poetit e vet poezitë e tij u sollën në menyrë brilante nga aktoret e teatrit “Hadi Shehu”.
Ëmbëlsi në këto aktivitete dhanë pikat muzikore nga shkolla “Prenk Jakova”, ndërsa qershia mbi tortë ishin të rinjt dhe nxenësit e shkollave të mesme, të cilët të prirë nga mësimdhënësja Teuta Lama – Hoda na dhanë garanci se poezia do të jetojë gjatë në qytetin tonë.
Ju faleminderit të gjithëve për kontributin.
