Nënkryetari i komunës së Gjakovës Flamur Fetahaj së bashku me drejtorët komunal Durim Halilaj, Hysni Muhadri dhe këshilltarin e kryetarit Xhavit Alijaj, kanë marrë pjesë në homazhe dhe në ceremoninë e nderimit të të gjithë dëshmorëve të rajonit të Hasit, datë kjo e cila është caktuar si dita e dëshmorëve të këtij rajoni e që organizohet nga Organizata e Veteranëve të Luftës së UÇK-së në Has.
Me këtë rast, është vlerësuar lartë kontributi i Hasit në të gjitha periudhat historike e në veçanti në luftën e fundit çlirimtare gjë që dëshmohet jo vetëm me numrin e madh të dëshmorëve e heronjve, por edhe të martirëve, invalidëve, veteranëve të luftës e kontribut dhënësve tjera nga kjo trevë.
Në këtë ditë të shënuar për ta, lavdi për të gjithë të rënët e Hasit.
