Eshtë mbajtur ceremonia e nënshkrimit të kontratave me 26 përfitues të granteve për bizneset, të ndara nga Komuna e Gjakovës përmes Drejtorisë për Zhvillim Ekonomik.
Nga fondi prej 140,000 € :
16 biznese ekzistuese përfituan nga 4,000 € deri në 8,000 €
10 start-up biznese nga 2,000 € deri në 4,000 €
12 përfitues janë gra dhe 14 burra – duke reflektuar mbështetje të balancuar dhe gjithëpërfshirëse.
Gjatë fjalës së tij, Kryetari i Komunës së Gjakovës z.Ardian Gjini mes tjerash u shpreh:
“Jam veçanërisht i lumtur që si institucion po arrijmë të ofrojmë ndihmë për ndërmarrësit tanë, të cilët me shumë punë, ide dhe përkushtim po kontribuojnë çdo ditë në zhvillimin e ekonomisë.”
Ndërsa Drejtori i Zhvillimit Ekonomik z. Ferdinand Kolaj theksoi:
“E gjithë procedura është zhvilluar me kohë dhe në përputhje me kriteret e përcaktuara në thirrjen publike. Jemi përkujdesur që përkrahja të shkojë aty ku ka më shumë nevojë dhe potencial zhvillimi, duke vlerësuar drejt idetë dhe kapacitetet e paraqitura nga aplikuesit.”
Komuna e Gjakovës mbetet e përkushtuar në fuqizimin e ekonomisë lokale dhe krijimin e mundësive të reja për qytetarët.
