Në organizim të drejtorisë së Zhvillimit Ekonomik të komunës së Gjakovës, sot është organizuar takim informativ mes Kryetarit të Komunës, Ardian Gjini, Komitetit Olimpik të Kosovës dhe përfaqësuesve të bizneseve.
Në këtë takim informativ u diskutua më gjerë rreth rregullores për përcaktimin e kritereve, procedurave dhe formës së sponzorizimit në sport.
Presidenti i Komitetit Olimpik të Kosovës, Besim Hasani, ka prezentuar kriteret e përgjithshme për sponzorizuesit e sportit duke sqaruar që me të gjitha procedurat duhet të merret përfituesi i sponzorizimit.
Kryetari Gjini tha që nga ky ligj do të përfitojnë të dyja palët si biznesi ashtu edhe klubet sportive. Ai gjithashtu u shprehë që bizneset kanë vullnet për të sponzorizuar, por për shkak të procedurave administrative edhe hezitojnë ta bëjnë. Andaj nga ky ligji i Administratës Tatimore për tatimin në fitim, mundohuni të krijoni qasje të mirë dhe bashkëpunim për këtë përfitim të dyfishtë.dhe ndihmojini.
Në kuadër të këtij takimi gjithashtu u diskutua edhe për organizimin e Panairit të Sportit 2018 i cili pritet të mbahet në shtator.
