Nën kryesimin e Kryetarit të Komunës, z. Ardian Gjini, është mbajtur mbledhja e radhës e Komisionit Komunal për Siguri në Bashkësi (KKSB), ku u diskutua për çështje të sigurisë, arsimit dhe shërbimeve publike.
Siguria publike – Zv. komandanti i Stacionit Policor, kapiten Ramë Beka, prezantoi raportin gjashtëmujor, ku u theksua një rritje prej 44% në raportimin e rasteve penale krahasuar me vitin e kaluar, me një shkallë zbulueshmërie prej 52%.
Arsimi – Drejtoresha e Arsimit, znj. Eranda Baçi, informoi se viti shkollor ka është në përfundim sipas planifikimit. U njoftua po ashtu për datat e testimeve kombëtare bazuar në vendimin e MASHT: Testi i Arritshmërisë më 27 qershor dhe Matura Shtetërore më 21 qershor (afati i parë) dhe 28 gusht (afati i dytë).
Shërbimet publike – Drejtori Nikollë Lleshi njoftoi se janë bërë të gjitha përgatitjet për mirëmbajtjen verore të rrugëve. Pastrimi i rrugëve, trotuareve, shesheve, lumit Krena dhe pusetave, e shërbime të tjera, do të vazhdojë në bashkëpunim me KRM “Çabrati”.
