Komuniteti për Komunitete sot ka mbajtur mbledhjen e katërt me radhë e kryesuar nga Elvane Qorri. Pas shqyrtimit të Procesverbalit nga mbledhja e kaluar, takimi vazhdoj me pikat e rendit të ditës.
Zyra Komunale për Komunitete dhe Kthim e përfaqësuar nga Pranvera Kershi, zyrtare për Koordinim të të drejtave dhe Integrim të Komuniteteve ka raportuar për Ojq-të të cilat kanë përfituar nga kjo zyre mbështetje financiare për projektet e tyre. Nga gjithsejtë pesë aplikime, katër prej tyre kanë përfituar mbështetjen dhe tashmë kanë filluar me realizimin e projekteve të tyre.
Gjithashtu në kuadër të zyrës për Komunitete është raportuar edhe për fushatën sensibilizuese për regjistrimin e fëmijëve në institucionet shkollore. Në kuadër të kësaj fushate e cila është zhvilluar në baza vullnetare parashihet që të regjistrohen në klasë të parë tetëdhjetë e pesë fëmijë të komuniteteve Romë, Ashkali, Egjiptas.
Mbledhja ka vijuar me diskutime rreth projekteve të cilat janë në procedurë siç është lagjja Ali Ibra dhe atyre që presin të hyjnë në buxhet siç janë lagjet Lekë Dukagjini e Emine Gjakova.
