Është mbajtur mbledhja e parë për vitin 2024, e Komitetit për Politikë dhe Financa (KPF), e udhëhequr nga Kryesuesja e Kuvendit, Arbënesha Kuqi.
Ashtu si është paraparë edhe në rendin e ditës së kësaj mbledhje, fillimisht u shqyrtua procesverbali i mbledhjes paraprake e mbajtur me 13.12.2023.
Më pas, Drejtori për Buxhet dhe Financa Durim Halilaj , shpalosi para të pranishmeve Planin e Punës së Ekzekutivit për vitin 2024. Ndërkaq anëtarët dhanë sugjerimet dhe kritikat lidhur me këtë temë.
Pas kësaj, Drejtori i Urbanizmit dhe Mbrojtjes së Mjedisit në Komunën e Gjakovës Arben Bakalli, ka prezentuar dokumentin e Hartës Zonale të Komunës së Gjakovës 2024- 2032, i cili dokument më pas teknikisht u elaborua nga arkitekti Armend Sokoli, përfaqësues i Institutit për Shkencë dhe Teknologji INSI. Për specifikat dhe detajet e këtij dokumenti foli Elida Bejtullahu, Udhëheqëse e Sektorit për Planifikim dhe Zhvillim në Komunën e Gjakovës.
Gjatë mbledhjes, Kryesuesja e Kuvendit të Gjakovës Arbënesha Kuqi dha Informatë për Punën e Kuvendit për vitin 2023.
Si pikë shtesë e mbledhjes, u diskutua edhe Propozim-vendimi për mbështetjen financiare të Ngrohtores së Qytetit.
Të gjitha pikat e lartcekura u votuan për të kaluar në diskutim në mbledhjen e ardhshme të Asamblesë Komunale.
