Sot është mbajtur takimi i Keshillit Komunal për Siguri në Bashkësi (KKSB), ku u diskutua për rendin dhe sigurinë e qytetarëve te komunës së Gjakovës.
Pikë e rregulltë e këtij takimi ishte raporti për gjendjen e sigurisë në komunën e Gjakovës. I pranishëm ishte Komandanti i Stacionit të Policisë në Gjakovë, major Milazim Lumi, i cili shpalosi statistikat lidhur me punën një vjeçare të Policisë. Sipas tij gjëndja e sigurisë në komunën tonë është relativisht e mirë.
Kryetari Ardian Gjini mes tjerash u shpreh se Gjakova është komuna më e qetë në mesin e komunave të mëdha të Kosovës, por duhet vazhduar puna për të rritur akoma më shumë sigurinë dhe rendin në qytetin tonë.
Në mbledhje u diskutua edhe për një varg temash dhe problematikash, siç janë: trafiku, parkimet jolegale, vandalizmi në pronë publike etj.
