Nën kryesimin e kryesuesit Ergit Qeli, është mbajtur mbledhja e gjashtë e Komitetit për Komunitete të Kuvendit të Komunës së Gjakovës.
Në këtë mbledhje u diskutuan dhe miratuan këto çështje:
Miratimi i procesverbalit të mbledhjes së kaluar.
Prezantimi i projektbuxhetit për vitin 2026 nga Drejtori për Buxhet dhe Financa, z. Durim Halilaj. Ai mes tjerash u shpreh se buxheti i komunës për vitin fiskal 2026 është 42,393,244.00 euro. Duke theksuar rëndësinë e diskutimit të projektbuxhetit në të gjitha nivelet para miratimit përfundimtar. Sipas Drejtorit Halilaj, Drejtoria e Financave ka përgatitur kornizën e shpenzimeve për menaxhim të përgjegjshëm dhe transparent të mjeteve buxhetore.
Raporti i Zyrës Komunale për Komunitete dhe Kthim (ZKKK), u prezantua nga zyrtarja për komunitete, Shpresa Karaxha , e cila shpalosi aktivitetet e kryesore duke theksuar:
Sesionet senzibilizuese shëndetësore në bashkëpunim me Drejtorinë e Shëndetësisë;
Ofrimin e praktikës profesionale në QKMf Gjakovë për tre të rinj nga komunitetet;
Inaugurimin e kabineteve të reja mësimore në shkollën fillore “Haxhi Hoti” në Rogovë, në bashkëpunim me Drejtorinë e Arsimit.
Komiteti për Komunitete vazhdon të angazhohet për përmirësimin dhe zhvillimin e komuniteteve në komunën e Gjakovës.
