Është mbajtur Konsultim Publik lidhur me projekt rregulloren për organizimin e brendshëm, sistematizimin dhe klasifikimin e vendeve të punës në Komunën e Gjakovës.
Në fjalën e tij para të pranishmëve, Menaxheri për Burime Njerëzore Kushtrim Brahimaj njëherit Udhëheqës i grupit punues për hartimin e kësaj rregulloreje, tha se ky dokument është gjithpërfshirës për nëpunësit dhe të gjithë qytetarët. Ndërkaq, ai u shpreh se grupi punues është munduar që këtë projekt rregullore ta bëjë standarde dhe të barabartë për të gjithë.
Më pas, të pranishmit, kanë bërë pyetje por edhe kanë dhënë ide e sygjerime shtesë, të cilat do të shqyrtohen për mundësi të përfshirjes në këtë rregullore.
