Është mbajtur Debati i Dytë Publik me qytetarë të komunës së Gjakovës.
Gjatë fjalës së tij para të pranishmëve, Kryetari i Komunës Ardian Gjini, u shpreh se përtej një aktiviteti obligativ ligjor, në këtë takim, me qytetarët flasim hapur për projektet e realizuara dhe ato që i kemi në proces dhe në planifikim për të ardhmen. “Ndonëse jemi një komunë që në vazhdimësi kontribuon për shtetin, po vazhdojmë të mbesim të anashkaluar në ndarjen buxhetore. Kjo po na penalizon pak, por asesi nuk mund të na pengojë në zhvillimin e projekteve që për qëllim kryesor kanë bërjen e Gjakovës një qytet më të mirë për të gjithë” tha ai.
Kryetari Gjini listoi projektet e realizuara. Poashtu, I garantoi ata se komuna do të jetë afër tyre deri në realizimin e të gjitha projekteve, në veçanti atyre infrastrukturore, interesimi për të cilat është më i madh. Siç kam thënë edhe në takime tjera me qytetarët, bashkërisht do ta kthejmë Gjakovën në një qytet model” u shpreh ndër të tjera ai.
