Kryetari i Komunës së Gjakovës, Ardian Gjini, ka pritur një grup studentësh shqiptarë që jetojnë në vende të ndryshme të botës, pjesëmarrës në programin OriginAL.
Gjatë takimit, kryetari Gjini u ka folur të rinjve për historinë, kulturën dhe veçantitë e Gjakovës, duke theksuar rëndësinë e ruajtjes së lidhjeve me vendin e prejardhjes dhe me rrënjët familjare.
Ky bashkëbisedim shërbeu si një mundësi e veçantë për të prezantuar Gjakovën si një qytet me traditë dhe kulturë të pasur, i cili mirëpret gjithmonë të rinjtë dhe i inkurajon ata të ruajnë dhe forcojnë identitetin e tyre kombëtar.
