Kryetari i Komunës së Gjakovës, Ardian Gjini, priti në zyrën e tij Presidenten e Republikës së Kosovës, znj. Vjosa Osmani, për të diskutuar situatën e krijuar nga vërshimet që kanë prekur qytetin dhe rrethinën.
Gjatë takimit, Kryetari Gjini e informoi Presidenten Osmani për gjendjen aktuale në terren, angazhimin e Shtabit Emergjent, si dhe masat konkrete që po ndërmerren për mbrojtjen e qytetarëve dhe menaxhimin e situatës.
Pas takimit, Kryetari i Komunës dhe Presidentja e Republikës vizituan lagjen Dardania, një nga zonat më të goditura nga vërshimet, ku janë realizuar evakuime të disa familjeve, si dhe banesat sociale ku janë strehuar përkohësisht familjet e evakuuara.
Komuna e Gjakovës mbetet e angazhuar në mënyrë të vazhdueshme pranë qytetarëve, duke ofruar mbështetje të menjëhershme dhe duke ndërmarrë veprime të koordinuara me të gjitha institucionet përkatëse për përballimin e pasojave të vërshimeve.
