Kryetari i komunës së Gjakovës Ardian Gjini, ka pritur sot në një takim ambasadorin e republikës së Sllovenisë në Kosovë, shkëlqesinë e tij Bojan Bertoncelj, me të cilin ka diskutuar për mundësitë e bashkëpunimit në mes të shtetit slloven dhe shtetet të Kosovës, e komunës së Gjakovës në veçanti.
Duke e njoftuar ambasadorin Bertoncelj me kapacitetet dhe mundësitë që ofron komuna e Gjakovës, kryetari Gjini ka thënë se komuna e Gjakovës është e hapur për të pritur investitorët potencial nga Sllovenia por edhe format tjera të bashkëpunimit.
Nga ana tjetër, ambasadori Bertoncelj ka thënë se bashkërisht me kryetarin Gjini ka diskutuar ide dhe mundësi të shumta të bashkëpunimit, të cilat edhe mund të realizohen në të ardhmen.
