Kryetari i komunës së Gjakovës Ardian Gjini, sot ka vizituar Hapësirën Krijuese “Bonevet” e cila është qendra e parë në Kosovës që angazhohet për nxitjen e kreativitetit tek fëmijët dhe të rinjtë, duke bashkuar imagjinatën e tyre me teknologjinë moderne.
Kryetari Gjini, përmes drejtuesit të kësaj qendre, Arbër Lleshi, është njoftuar në hollësi me punën dhe kreativitetin që zhvillohet nga të rinjtë e Gjakovës,për projekte të reja në fushën e elektronikës, programimit, mekanikës e tjera.
Pasi është njoftuar me të gjitha hapësirat e qendrës në fjalë, kryetari Gjini ka premtuar mbështetje nga ana e komunës. Ai ka thënë se komuna është mjaft e interesuar që të këtë një partneritet të ngushtë me këtë qendër dhe nga këtu të dalin edhe projekte të reja të cilat mund të shfrytëzohen nga komuna.
