Kryetari i Komunës Ardian Gjini bashkë me Kryesuesen e Kuvendit të Komunës Arbënesha Kuqi dhe Drejtoreshën për Arsim Eranda Kumnova Baçi, kanë qëndruar për vizitë në Malësinë e Gjakovës, ku u pritën nga Kryetari i Bashkisë së Tropojës Rexhë Byberaj.
Gjatë këtij takimi, ata u shprehën se përpos lidhjeve të perhershme shpirtërore, historike e gjeografike, me Malësinë e Gjakovës na lidhë edhe shumëçka tjetër. “Fokusi i përbashkët i së ardhmes do të jetë bashkëpunimi më i avancuar në ekonomi e tregti, turizëm, arsim, kulturë e sport me të vetmin qëllimin, zhvillimin e rajoneve tona e mbi të gjitha krijimin e afërsisë në mes të dy zonave” tha ndër të tjera Kryetari Gjini.
Me udhëheqësit lokal të Tropojës u bisedua për shumë projekte konkrete të përbashkëta, të cilat do ta forcojnë edhe më shumë bashkëpunimin tonë.
