Sot, Kryetari i Komunës së Gjakovës, z. Ardian Gjini, zhvilloi takim me Komandantin e ri të KFOR-it Italian për Rajonin Perëndim, Kolonel Lorenzo Mangia.
Gjatë takimit, Kryetari Gjini vlerësoi lart mbështetjen e KFOR-it dhe rolin e tij strategjik për qytetin, duke theksuar:
“Ne kemi fatin të kemi një partner si KFOR-i, i cili nuk ka qenë vetëm garant i sigurisë, por edhe një aleat i vërtetë në rikthimin e normalitetit në komunitetin tonë. Ky është një kapitull i ri bashkëpunimi, si dhe vazhdimësi e besimit dhe respektit reciprok.”
Kolonel Lorenzo Mangia u shpreh i kënaqur me transformimin dhe zhvillimin e Gjakovës gjatë dy dekadave të fundit:
“Pas 21 vitesh, jam i impresionuar nga pamja e qytetit, i cili është transformuar plotësisht – për këtë ju përgëzoj dhe ju komplimentoj.”
Gjakova vazhdon të jetë gjithmonë një shtëpi mikpritëse për miqtë dhe partnerët e saj.
