Kryetari i Komunës Ardian Gjini ka pritur në takim Koordinatorin e ri të Misionit të OKB-së në Kosovë, z. Stephen O’Malley .
Gjatë takimit u diskutua për prioritetet zhvillimore të Gjakova dhe për mundësitë e thellimit të bashkëpunimit ndërmjet misionit të OKB-së dhe institucioneve komunale. Në fokus të bisedës ishte realizimi i projekteve konkrete që synojnë përmirësimin e jetës së qytetarëve.
Një theks i veçantë iu kushtua projekteve në kuadër të UN Women, si dhe përfshirjes së Gjakovës në planin pesëvjeçar të United Nations për zhvillimin dhe mbështetjen e komuniteteve lokale.
Me këtë rast, kryetari Gjini theksoi rëndësinë e partneritetit me organizatat ndërkombëtare, duke vlerësuar se bashkëpunimi i vazhdueshëm dhe projektet e përbashkëta kontribuojnë drejtpërdrejt në zhvillimin e qytetit dhe përmirësimin e shërbimeve për qytetarët. Synimi i përbashkët mbetet ndërtimi i partneriteteve serioze dhe arritja e rezultateve konkrete në të mirë të komunitetit.
