Kryetari Ardian Gjini mirëpriti në vizitën e parë të saj në Gjakovë, Ambasadoren e Izraelit në Kosovë, znj.Tammy Ziv.
I pari i Gjakovës përveç se e falënderoi për vizitën, Ambasadoren Ziv e njoftoj edhe lidhur me qytetin e Gjakovës, e me theks të veçantë për projektet që po zhvillohen në vazhdimësi në komunën tonë.
Ai mes tjerash tha se: “Jam i lumtur për entuziazmin që Ambasadorja Ziv shprehi për bashkëpunim në mes dy vendeve tona, në fusha të ndryshme.”
Nën shoqërimin e Kryetarit Gjini, ambasadorja vizitoi edhe dy nga fabrikat më të mëdha në Gjakovë, Comodita Home dhe Rronifer. Ambasadorja Ziv pati rastin të njoftohet me procesin e punës së këtyre fabrikave dhe shprehi gadishmëri për bashkëpunim të ndërsjellë në të ardhmen
