Në kuadër të forcimit të bashkëpunimit ndërmjet institucioneve lokale dhe organizatave të shoqërisë civile, u mbajt ceremonia e nënshkrimit të marrëveshjeve të financimit me komunat partnere të Programit ReLOaD3 dhe organizatat e përzgjedhura nga thirrja e parë publike me bashkëfinancim.
Në emër të Komunës së Gjakovës, drejtoresha për Kulturë, Rini dhe Sport, Adea Roka, me autorizim të Kryetarit të Komunës, mori pjesë në këtë ceremoni dhe nënshkroi marrëveshjen, duke riafirmuar përkushtimin institucional për mbështetjen e iniciativave që kontribuojnë në zhvillimin e komunitetit dhe fuqizimin e bashkëpunimit me organizatat e shoqërisë civile.
Pjesëmarrja e Komunës së Gjakovës në Programin ReLOaD3 dëshmon angazhimin e vazhdueshëm për promovimin e transparencës, partneritetit dhe mbështetjes së projekteve që sjellin përfitime të drejtpërdrejta për qytetarët dhe nxisin zhvillimin e qëndrueshëm të komunitetit lokal.
