Drejtori për Zhvillim Ekonomik, Ferdinand Kolaj, ka nënshkruar kontratat me 23 biznese përfituese të granteve të Komunës së Gjakovës për vitin 2026, në kuadër të programit për mbështetjen e zhvillimit të biznesit lokal.
Përmes këtij projekti janë mbështetur 13 biznese ekzistuese dhe 10 biznese të reja (Start-Up), të cilat zhvillojnë veprimtarinë e tyre në sektorët e prodhimit, përpunimit dhe artizanatit.
Projekti financohet nga Komuna e Gjakovës me një vlerë totale prej 150 mijë eurosh dhe synon të nxisë zhvillimin e ndërmarrjeve vendore, krijimin e vendeve të reja të punës dhe fuqizimin e ekonomisë lokale.
Me rastin e nënshkrimit të kontratave, drejtori Kolaj uroi bizneset përfituese për suksesin e arritur, duke shprehur besimin se kjo mbështetje do të ndikojë në zgjerimin e veprimtarisë së tyre, rritjen e kapaciteteve prodhuese dhe zhvillimin e mëtejshëm ekonomik të komunës së Gjakovës.
Komuna e Gjakovës mbetet e përkushtuar në mbështetjen e sektorit privat përmes programeve që nxisin sipërmarrjen, inovacionin dhe zhvillimin e qëndrueshëm ekonomik.
