Kryetari i Komunës Ardian Gjini, ka pritur në takim pune Drejtoreshën e Kryqit të Kuq Dega në Gjakovë Fllanza Bakija Lama dhe të rinj vullnetarë të kësaj organizate .
Gjatë diskutimit të përbashkët, Drejtoresha Bakija Lama informoi Kryetarin Gjini rreth realizimit të projektit “Promovimi i vlerave humane”, qëllimi kryesor i të cilit është ndërgjegjësimi dhe angazhimi i të rinjve në aktivitete që promovojnë humanizmin dhe solidaritetin.
Kryetari Gjini përgëzoi organizatën për punën e shkëlqyer, e në veçanti për këtë projekt në të cilin si vullnetarë janë të angazhuar nxënës të komunës sonë. Lidhur me këtë aktivitet, ai ofroi tërë mbështetjen e tij në dispozicion, me theks të veçantë përmes Drejtorisë Komunale të Arsimit.
