Në kuadër të bashkëpunimit me Shoqatën “Bereqeti”, është ndërtuar dhe dorëzuar një shtëpi e re për familjen Gashi nga fshati Rakovinë. Ky projekt social përfaqëson një përpjekje të përbashkët për përmirësimin e kushteve të jetesës së familjeve në nevojë në komunën tonë.
Në ceremoninë e dorëzimit të çelësave morën pjesë Drejtoresha për Kulturë, Rini dhe Sport, Adea Roka, Drejtori i Buxhetit dhe Financave, Durim Halilaj, Kryetari i Bashkësisë Islame në Gjakovë, Valon Myrta, si dhe koordinatori i Shoqatës “Bereqeti”, Abdurrahman Bejtullahu. Së bashku me familjarët, ata ndanë emocionet dhe gëzimin për këtë moment të veçantë, duke shprehur përkrahjen dhe solidaritetin ndaj familjes Gashi, e cila tashmë ka një strehë të sigurt dhe të denjë.
Komuna e Gjakovës mbetet e përkushtuar për të vazhduar me projekte sociale që ofrojnë mbështetje konkrete për familjet më në nevojë, duke kontribuar në sigurimin e kushteve të jetesës më të mira dhe një jetë më dinjitoze për çdo qytetar.
