Kryetari i komunës së Gjakovës Ardian Gjini, sot ka nënshkruar një memorandum bashkëpunimi me organizatën IPKO Foundation, përmes së cilit synohet ngritja e nivelit të bashkëpunimit në mes të dyja palëve, me qëllim të arritjes së objektivave të përbashkëta në fuqizimin e të rinjve në edukimin praktik dhe jo formal në komunën e Gjakovës.
Përmes këtij memorandum, komuna e Gjakovës dhe IPKO Fundation janë pajtuar që gjatë katër viteve të ardhshme, bashkërisht të zhvillojnë aktivitete të ndryshme jashtëshkollore e të cilat do të ndikojnë drejtpërsëdrejti në zhvillimin profesional të të rinjve të komunës së Gjakovës.
