Në Çarshinë e Vjetër të Gjakovës u inaugurua Oda e Zejtarëve, një hapësirë e re e dedikuar ruajtjes, promovimit dhe zhvillimit të zejeve tradicionale të qytetit.
Ky investim krijon mundësi të reja për zejtarët lokalë që të prezantojnë mjeshtërinë e tyre, ndërsa vizitorët dhe brezat e rinj do të kenë mundësinë të njihen më nga afër me trashëgiminë e pasur kulturore dhe artistike të Gjakovës.
Projekti është realizuar në kuadër të iniciativës “Ndërlidhja e turizmit përmes trashëgimisë kulturore dhe zgjidhjeve inteligjente në Lezhë dhe Gjakovë”, e financuar nga Programi IPA Cross-Border Shqipëri – Kosovë.
Përmes këtij investimi synohet forcimi i ofertës turistike të qytetit, mbështetja e zejtarëve dhe promovimi i vlerave unike të trashëgimisë kulturore që e bëjnë Gjakovën një destinacion të veçantë.
