Për nder të Ditës së Veteranit, Kryetari i Komunës së Gjakovës, z. Ardian Gjini, së bashku me bashkëpunëtorë dhe përfaqësues të Organizatës së Veteranëve të Luftës së UÇK-së (OVL-UÇK) në Gjakovë, bënë homazhe pranë Lapidarit “Shokët e Lirisë”.
Në këtë ditë të shënuar u kujtua dhe u nderua me respekt të thellë kontributi, guximi dhe sakrifica sublime e veteranëve të Ushtrisë Çlirimtare të Kosovës, falë të cilëve sot gëzojmë lirinë dhe shtetin tonë.
Lavdi e përjetshme dëshmorëve të kombit dhe nderim i pafund veteranëve të UÇK-së.
