Drejtoria për Mbrojtje dhe Shpëtim e komunës së Gjakovës, njofton se pas kërkimeve intensive dyjavore, sot rrethë orës 11,30 h, ekipet e specializuara të zhytësve të FSK-së kanë gjetur trupin e pajetë të plakut z. Mustafë Haxhia i vetëhudhur nga ura e Moglicës mbi lumin “Erenik”.
Trupi i të ndjerit është gjetur te lokacioni “Ura e Telit”, prapa ish vendbanimit të quajtur Fshati Slloven. Menjiherë pas lajmërimit nga ana e zhytësve të FSK-së, në vend ngjarje kanë dalë Zyrtarët Policor, Shërbimi Zjarrfikës, ekipi mjeksorë i QKMF dhe strukturat përgjegjëse komunale, me qëllim të inicimit të procedurave ligjore dhe dorëzimin e trupit të pajetë familjes.
