Me homazhe dhe vendosje të kurorave me lule tek memoriali “Shokët e Lirisë”, në Gjakovë ka nisur shënimi i përvjetorit të Pavarësisë së Kosovës. Përfaqësues institucionalë dhe qytetarë nderuan kujtimin e dëshmorëve që sakrifikuan për lirinë dhe pavarësinë e vendit.
Dita e Pavarësisë së Kosovës është një nga datat më të rëndësishme jo vetëm për Kosovën, por për të gjithë shqiptarët kudo në botë. Kjo ditë shënohet me gëzim dhe krenari, duke kujtuar njëkohësisht sakrificën e dëshmorëve, përkushtimin e veteranëve dhe angazhimin e të gjithë popullit, i cili ka kaluar periudha të vështira për të arritur këtë ditë të madhe.
