Në organizim të Federatës së Bodilidingut dhe të Fitnesit të Kosovës, dhe me mbështetje të Ministrisë së Kulturës, Rinisë dhe Sportit dhe të Komunës së Gjakovës, është mbajtur kampionati i dyzet i bodibildingut të Kosovës. Njëkohësisht është mbajtur edhe kampionati mbarëkombëtar. Në hapje të këtij manifestimi, Esat Lata, kryetar i Federatës së Bodilidingut dhe të Fitnesit të Kosovës kafolur për historikun e bodibildingut të Kosovës deri në pranimin e saj në IFBB dhe sukseset e arrira më pas. Këtë organizim e ka përshëndetur edhe Saranda Hyseni, drejtore e Drejtorisë së Kulturës, Rinisë dhe Sportit në Komunën e Gjakovës, Burbuqe Bakija Deva, zëvendësministre e Ministrisë së Kulturës, Rinisë dhe Sportit të Kosovës, përfaqësues nga IFBB-ja, etj.
Trofeun më të çmueshëm, atë të kampionit mbarëkombëtar në kategorinë absolute e fitoi prishtinasi Kushtrim Bajraktari, i cili po ashtu u shpall edhe kampion i Kosovës në kategorinë e bodibildinut në kategorinë deri në 90 kilogramë.
Në kategoritë e bodibildingut deri në 80 kilogramë, respektivisht deri në 70 kilogramë kampion u shpallën Burim Kastrati nga Peja, përkatësisht Sergio Jaha, po nga Peja.
Në kategorinë klasike më i miri u shpall Agron Gashi Prishtinë, i cili njiherit u shpall kampion edhe në atë klasike deri në mbi 180 cm.
Në kategogorinë bodibilding deri në 100 kilogramë kampion u shpall Arsim Kullashi nga Peja, epitet që i takoi edhe në kategorinë e garuesve mbi 40 vjeç.
Dy tituj i morri edhe Prend Duhani nga Peja, në kategorinë mbi 100 kilogramë dhe në kategorinë e mbi 50 vjeçarëve.
Në kategoritë tjera janë arrirë këto rezultate: Në kategorinë mbi 178 kilogramë më i miri u shpall Elvir Krasniqi nga Prishtina, i cili poashtu u shpall më i miri në kategorinë absolute.
Në kategorinë mbi 178 cm kampion u shpall Asaf Lluzhani nga Peja, ndërsa në atë deri në 174 cm kampion u shpall Besart Salihu nga Gjilani.
Në kategorinë deri 20 vjeç u dallua Toni Krasniqi nga Rahoveci, ndërkaq në atë deri 23 vjeç kampion u bë Elvir Krasniqi nga Prishtina.
Ndërkaq, Flamur Gërbanci nga Gjilani u shpall më i miri në kategorinë klasike deri në 175 cm. Kurse, Elvir Krasniqi nga Prishtina u shpall kampion mbarëkombëtar në kategorinë absolute.
Do thënë se në kategorinë e fizikusit të femrave ishte vetëm një pjesëmarrëse, Holda Bils, e cila automatikisht u shpall kampione.
