Me performancën e bukur të artistit Endrit Xërxa & Band në Parkun Kulturor “Ali Podrimja” u hap zyrtarisht, për herë të dytë në Gjakovë, festivali “Ditët e Shqiptarit”, i organizuar nga Fondacioni për Gjakovën dhe Komuna e Gjakovës.
I pranishëm në hapje ishte kryetari Ardian Gjini, i cili mes tjerash u shpreh:
“Gjakova do të mbetet gjithmonë një qytet i hapur për kulturën. Si institucion, do të jemi pa kursim në mbështetje te aktiviteteve që promovojnë artin dhe i japin jetë qytetit.”
Ky festival do të sjellë ditë të bukura plot art, muzikë dhe atmosferë shqiptare, duke e kthyer Gjakovën në skenën më të bukur të verës.
Qyteti ju pret të gjithëve për të festuar bashkë kulturën dhe shpirtin tonë shqiptar!
