Komuna e Gjakovës ka nisur sonte ciklin e dëgjimeve publike për hartimin e buxhetit komunal për periudhën 2026-2028. Nënkryetari i komunës, Flamur Fetahaj, drejtori për Buxhet dhe Financa, Durim Halilaj, drejtori për Zhvillim Ekonomik, Ferdinand Kolaj, si dhe këshilltarët komunal Krenare Bushaj dhe Ardian Nushi, kanë zhvilluar takime me banorët e Rekës së Mirë në dy pika: Skivjan dhe Novosellë e Ulët.
Gjatë këtyre takimeve, janë diskutuar projektet aktuale në realizim dhe janë pranuar kërkesa për iniciativa të reja që do të planifikohen për vitet në vijim, duke synuar zhvillimin e qëndrueshëm dhe përmirësimin e kushteve për banorët lokalë.
Ky proces dëgjimi përfaqëson një hap të rëndësishëm të transparencës dhe përfshirjes së komunitetit në vendimmarrjen lokale.
