Kryetari i Komunës së Gjakovës, Ardian Gjini, së bashku me Drejtoreshën e Arsimit, Eranda Kumnova Baçi, dhe Komandantin e Stacionit Policor në Gjakovë, Milazim Lumi, zhvilluan një takim me drejtorët e shkollave të komunës.
Në këtë takim u diskutuan përgatitjet për fillimin e vitit të ri shkollor dhe masat që po merren për të siguruar një ambient të qetë, të sigurt dhe të shëndetshëm për nxënësit. Kryetari Gjini vlerësoi se situata e sigurisë në shkolla është e mirë, por theksoi se puna për mbajtjen dhe përmirësimin e saj duhet të vazhdojë pa ndërprerje.
Qëllimi i përbashkët i gjithë pjesëmarrësve është i qartë: shkolla të sigurta, nxënës të lumtur dhe një proces mësimor sa më cilësor për fëmijët e komunës sonë.
