Në kuadër të agjendës komunale për shënimin e 18-vjetorit të Pavarësisë së Kosovës, në Galerinë e Arteve u hap ekspozita personale me titull “Perëndesha e Shërimit” e autores Alsea Ymeri. Ekspozita ofroi një përjetim të veçantë artistik për të pranishmit, duke paraqitur një seri punimesh që pasqyrojnë dimensione të ndryshme të krijimtarisë së artistes.
Po ashtu, në foajenë e Pallatit të Kulturës “Asim Vokshi” u mbajt një performancë e veçantë muzikore nga orkestra “Art Orkestra”, nën drejtimin profesional të maestros Ali Xharavina. Të pranishmit patën mundësinë të përjetojnë një mbrëmje të veçantë muzikore, e cila u mirëprit nga publiku dhe kontribuoi në pasurimin e aktiviteteve kulturore në kuadër të shënimit të kësaj date të rëndësishme.
