Për një vizitë zyrtare, në Gjakovë ka qëndruar z. Cristiano Barale, drejtor i sapoemëruar i Qendrës Rajonale të Organizata për Siguri dhe Bashkëpunim në Evropë (OSBE) në Pejë.
Me këtë rast, drejtori Barale është takuar me Kryetarin e Komunës, Ardian Gjini, si dhe me Kryesuesin e Kuvendit Komunal, Shefqet Shehu.
Në të dy takimet është rikonfirmuar vullneti për vazhdimin dhe thellimin e bashkëpunimit ndërmjet Komunës së Gjakovës dhe OSBE-së, bashkëpunim i cili është vlerësuar si tejet i kënaqshëm edhe deri më tani. Palët shprehën gatishmërinë për të vijuar angazhimet e përbashkëta në funksion të forcimit të institucioneve lokale dhe avancimit të proceseve me interes për qytetarët.
