Dita e dytë e Dëgjimeve Buxhetore, të organizuara nga komuna e Gjakovës, ka vazhduar sot në regjionin e Hasit, me ç’rast janë zhvilluar takime në fshatrat Rogovë dhe Lipovec.
Në këto takime kanë marrë pjesë drejtorët e drejtorive përkatëse, konkretisht ai i drejtorisë për Buxhet dhe Financa Durim Halilaj dhe drejtori i drejtorisë për Shërbime Publike Shkumbin Kastrati, të cilët kanë përmendur projektet konkrete që janë paraparë të realizohet në kaudër të buxhetit pr vitin 2019.
Të dy drejtorët kanë përmendur projektet nga infrastruktura rrugore si projektet kryesore në fshatrat e Hasit, por nuk kanë munguar as projekte konkrete në ndriqim publik, bujqësi, infrastrukturë shkollore e të tjera.
Dëgjimet Buxhetore, do të vazhdojnë javën tjetër në regjionin e Rekës së Mirë, me ç’rast do të ketë tubime në fshatrat Skivjan dhe Novosellë.
Ndryshe, sipas drejtorit të drejtorisë për Buxhet dhe Financa Durim Halilaj, për vitin 2019 është planifikuar që shuma totale e investimeve kapitale nga komuna e Gjakovës të jetë rreth 7,2 milion, shumë kjo që pritet të rritet për disa herë, pasi janë edhe shumë investime nga niveli qëndror që janë planifikuar gjatë kësaj periudhe.
