Komuna e Gjakovës ka shpërndarë sot mekanizëm bujqësor modern për 92 fermerë lokalë, në kuadër të një projekti madhor që synon mbështetjen konkrete të bujqësisë dhe rritjen e kapaciteteve prodhuese.
Ky projekt, me vlerë totale prej 159,970 €, është realizuar me këtë strukturë financimi:
- 80% e financuar nga Komuna e Gjakovës
- 20% kontribut i vetë fermerëve përfitues
Kjo nismë përfaqëson investimin më të madh të këtij lloji në vitet e fundit në komunën tonë dhe një hap domethënës drejt një bujqësie më efikase, të mekanizuar dhe të qëndrueshme.
Përmes kësaj mbështetjeje, Komuna e Gjakovës dëshmon përkushtimin ndaj sektorit bujqësor dhe ndaj njerëzve që punojnë tokën me përkushtim, duke i konsideruar fermerët si shtyllë të zhvillimit ekonomik lokal.
