Kryetari i Komunës Ardian Gjini mirëpriti në një takim zyrtar Ambasadorin e Belgjikës në Kosovë, z. Gregoire Cuvelier .
Gjatë takimit u diskutua mbi projektet në zhvillim në komunën tonë si dhe u shkëmbyen mendime rreth zhvillimeve aktuale në vend. Kryetari falënderoi Ambasadorin Cuvelier për mbështetjen e vazhdueshme që Belgjika i ka ofruar Kosovës ndër vite, veçanërisht në fusha që ndikojnë drejtpërdrejt në përmirësimin e jetës së qytetarëve.
Ndërkohë, u theksua gatishmëria për të forcuar edhe më tej bashkëpunimin ndërmjet Komunës së Gjakovës dhe Ambasadës së Belgjikës, me synim avancimin e projekteve të përbashkëta dhe promovimin e zhvillimit të qëndrueshëm lokal.
