Kryetari i Komunës së Gjakovës, z. Ardian Gjini, dhe drejtori ekzekutiv i Save the Children Kosova, z. Ahmet Kryeziu, nënshkruan marrëveshjen e re të bashkëpunimit që synon fuqizimin e përpjekjeve për mbrojtjen dhe përfshirjen e fëmijëve në komunitet.
Marrëveshja përqendrohet në përmirësimin e shërbimeve komunale në arsim, shëndetësi dhe mbrojtje sociale, me fokus të veçantë në fëmijët me aftësi të kufizuara, fëmijët nga komunitetet RAE dhe ata në rrezik të përjashtimit social.
Komuna e Gjakovës mbetet e përkushtuar për të krijuar një mjedis gjithëpërfshirës ku secili fëmijë ka mundësi të rritet i mbrojtur, i përfshirë dhe me dinjitet.
