Në kuadër të përpjekjeve për zhvillimin e bujqësisë në Komunën e Gjakovës, Kryetari Ardian Gjini, së bashku me Drejtorin e Drejtorisë për Bujqësi, Pylltari dhe Zhvillim Rural, Gani Hajdari dhe zyrtarët komunalë, kanë realizuar shpërndarjen e mjeteve bujqësore për sektorin e bletarisë – një degë kyçe për ekonominë rurale dhe mjedisin lokal.
Në këtë fazë, 45 përfitues kanë marrë mbështetje përmes: 23 centrifugave për nxjerrjen e mjaltës dhe 22 sete për bletari.
Vlera totale e subvencionit është 24,000 €, duke dëshmuar angazhimin konkret dhe të vazhdueshëm të Komunës për zhvillimin rural dhe përkrahjen e fermerëve.
