Kryetari i Komunës Ardian Gjini bashkë me përfaqësuesin e kompanisë “Arfa” kanë nënshkruar kontratën për zgjerimin e segmentit rrugor nga “Ura e Tabakut” deri tek “Ura e Ahmet Efendisë”, rrugë kjo që lidhë qytetin e Gjakovës me Rekën e Keqe dhe dy pikat kufitare me Shqipërinë, “Qafën e Prushit” dhe “Qafën e Morinës”.
Kryetari Gjini është shprehur i bindur që me këtë rrugë të re, lidhja jonë me Shqipërinë dhe fshatrat e Rekës së Keqe, pos që do të jetë më e lehtë do të jetë edhe më madhe dhe më fitimprurëse për të gjithë qytetarët. Ky projekt, që nisë menjëherë, kap vlerën totale të investimeve prej 1 milion Euro dhe financohet nga granti i përformancës i fituar nga komuna e Gjakovës në vitin e kaluar.
