Komisioni Përgjegjës për Organizimin e procesit zgjedhor për Këshillat Lokal në komunën e Gjakovës e ka mbajtur sot takimin e parë punues, në të cilin është diskutuar për hapat që do të ndërmerren për nisjen e procesit zgjedhor për përzgjedhjen e Këshillave Lokal.
Ky proces do të fillojë në mesin e muajit tetor, prandaj me këtë rast komuna e Gjakovës fton të gjithë qytetarët që të jenë pjesë aktive në zgjedhje e gjithashtu edhe të garojnë për të qenë të zgjedhur, pasi Këshillat Lokal janë një hallkë tejet e rëndësishme i ndërlidhjes në mes të pushtetit lokal dhe qytetarëve, e njëkohësisht janë një element që shërben në të mirën e përgjithshme të komunitetit.
Komuna e Gjakovës, me kohë do ta bëj njoftimin për kohën dhe vendin e mbajtjes së kuvendeve zgjedhore për të gjitha lokacionet e komunës.
