Tejkalimi i parashikimit të të hyrave komunale, ka mundësuar që edhe shumë projekte infrastrukturore të realizohen edhe pse nuk kanë qenë të parapara në vitin fiskal 2019.
Një ndër projektet është edhe asfaltimi i rrugës që lidh dy fshatra, Devën e Guskën, rëndësia e së cilës është qasja më e lehtë për banorët në shkollën dhe ambulantën e fshatit.
“Jam shumë i lumtur që banorët, këtë dimër nuk do të detyrohen të ecin nëpër baltë për të marr shërbime në ambulantë apo nxënësit për të shkuar në shkollë“- tha ndër të tjera kryetari i Komunës, Ardian Gjini i cili e përuroi këtë projekt.
Asfaltimi i kësaj rruge ka gjatësi 1700m dhe kosto 115,000€.
