Sot qendra për Arsim dhe Këshillim Profesional “ Gjon Nikollë Kazazi” ka shënuar ditën e shkollës. Në këtë festë ishin të pranishëm kryetari i Komunës, z. Ardian Gjini me bashkëpunëtorë, drejtor shkollash, përfaqësues fetar, nxënës e mësimdhënës. Fillimisht dita e shkollës u shënua me prezentimin e punimeve të nxënësve në profile të ndryshme si Informatikë, Elektroteknikë, Mekatronikë, Ekonomi e të tjera.
Në fjalën e rastit kryetari Gjini tha që : “Është jashtëzakonisht me rëndësi për të gjithë ne të dimë që jeta është një sfidë, nuk është e lehtë, por edhe shpërblimet mund të jenë shumë të mira. Kam pasur rast të takojë shumë të rinjë të cilët kanë një profesion të caktuar, kanë një diplomë universitare por në drejtimin e tyre kërkesa për punësim është shumë e vogël krahasuar me kuadrin që diplomon. Andaj nga këtu ju bëj thirrje që kur të bëni përzgjedhjen e profesionit t’a bëni duke u bazuar në tregun e punës në mënyrë që mos të dilni në pension pa bërë asnjë ditë punë në profesionin tuaj”.
Ndër të tjera në këtë ditë u ndanë mirënjohje për bashkëpunëtorët e shkollës dhe nxënësit e dalluar.
