Me rastin e shënimit të 8 Marsit, ditës ndërkombëtare të gruas, kryetari i komunës së Gjakovës Ardian Gjini sot ka takuar të gjitha gratë që punojnë në administratën komunale.
Duke i falënderuar për punën dhe angazhimin e secilës prej tyre në shërbim të komunës dhe qytetarëve të komunës, kryetari Gjini i ka uruar ato për festën e 8 Marsit, teksa ka shprehur dëshirën e tij që secila prej tyre të ketë shëndet dhe çdo të mirë në familjet e tyre.
Duke u fokusuar në aspektin gjinor dhe të drejtat e gruas, kryetari Gjini ka thënë edhe pse Gjakova qëndron më mire se disa komuna tjera në këtë drejtim, prapëseprapë duhet të jemi më këmbëngulës në mënyrë që pozita e gruas në shoqëri të jetë edhe më e avancuar.
